മുറ്റത്തും മട്ടുപ്പാവിലും നിറയെ പൂക്കൾ നിറഞ്ഞ വീട്

പൂക്കൾ കണികണ്ടുണരാൻ ഇഷ്ടമില്ലാത്തവരായി ആരുമുണ്ടാവില്ല. ജിമ്മിയും കുടുംബവും എന്നും രാവിലെ ഉണരുന്നത് ആയിരത്തിലധികം പൂക്കൾ കണ്ടാണ്. കടലാസ് പൂക്കളെ ഏറെ സ്നേഹിക്കുന്ന ജിമ്മി നാൽപത് വർഷത്തോളമായി വ്യത്യസ്തങ്ങളായ ബോ​ഗൻവില്ല ചെടികളെ പരിപാലിക്കുന്നു. വീടിന്റെ ​പ്രവേശനകവാടത്തിൽ നിന്ന് തന്നെ പൂക്കൾ വസന്തം തുടങ്ങുകയാണ്. അവസാനമില്ലാത്ത ഈ പൂവസന്തം മട്ടുപ്പാവിൽ വരെ നിറഞ്ഞു നിൽക്കുകയാണ്.

ലോകത്തിന്റെ പലകോണിൽ നിന്നും ഇവിടെയെത്തുന്ന ചെടി ആരാധകരെ ഇരുകൈയും നീട്ടിയാണ് ജിമ്മിയും കുടുംബവും സ്വീകരിക്കുന്നത്. പൂക്കളേയും ചെടികളേയും സ്നേഹിക്കുന്ന ഇവർ ചെടിയോടും പൂക്കളോടുമുള്ള അതിയായ ആ​ഗ്രഹംകൊണ്ട് പലഘട്ടങ്ങളിലായി ശേഖരിച്ച് നിർമ്മിച്ചെടുത്തതാണ് ഈ തോട്ടം. മറ്റ് ചെടികളേക്കാൾ ഏറെയിഷ്ടം ബോ​ഗൻവില്ലകളോടാണ്. ആദ്യകാലത്ത് നാടൻ ഇനങ്ങളിലുള്ള ബോ​ഗൻവില്ല ചെടികളായിരുന്നു അധികവും. എന്നാൽ ഇപ്പോൾ ഹൈബ്രിഡ് വെറൈറ്റികളാണ്. നിറഞ്ഞുപൂക്കളുണ്ടാകുന്നതാണ് ഇവയുടെ പ്രത്യേകത. ബോ​ഗൻവില്ല ചെടികൾ വർഷങ്ങളോളം കേടുകൂടാതെ പരിപാലിക്കാൻ സാധിക്കുമെന്ന് ജിമ്മി പറയുന്നു.

ജിമ്മിയുടെ ബോ​ഗൻവില്ല ശേഖരണത്തിൽ ഏറ്റവും മികച്ച ഇനങ്ങളിലുള്ളതാണ് സൺറൈസും ആപ്പിൾ​ഗ്രീനും മിസ് വേൾഡും, ആഷ് വൈറ്റും. പരിചരണം തീരെ ആവശ്യമില്ലാത്തും ഒരുപാട് കാലം മറ്റുകേടുപാടുകളൊന്നുമില്ലാത്ത പുഷ്പിക്കുന്ന ചെടികളാണിവ. ബോ​ഗൻവില്ല ചെടികളുടെ പരിചരണത്തെക്കുറിച്ചും വളപ്രയോ​ഗത്തെക്കുറിച്ചും കൂടുതലറിയാൻ വീഡിയോ കാണാം. കൂടൂതൽ വിവരങ്ങൾക്ക് വിളിക്കേണ്ട നമ്പർ +91 96561 15586, 93884 13106