കൊച്ചിൻ ഫ്ലവർ ഷോ: ജനുവരി 13 ന് തുടക്കമാകും

39-ാമത് കൊച്ചിൻ ഫ്ലവർ ഷോ, 2023 ഈ മാസം 13 മുതൽ 22 വരെ എറണാകുളത്തപ്പൻ ഗ്രൗണ്ടിൽ നടക്കും. എറണാകുളം ജില്ലാ അഗ്രി-ഹോർട്ടികൾച്ചർ സൊസൈറ്റിയാണ് ഷോ സംഘടിപ്പിക്കുന്നത്. മുൻവർഷങ്ങളിലെ പോലെ ഈ വർഷവും പൂക്കളുടെയും ഫലവൃക്ഷങ്ങളുടെയും അതിമനോഹരമായാണ് പ്രദർശനം സംഘടിപ്പിച്ചിരിക്കുന്നത്.

ഈ വർഷം 70 ഓളം ഇനങ്ങളിൽ നിന്നുള്ള 50000 സസ്യങ്ങൾ പ്രദർശിപ്പിക്കും. ഏകദേശം 2000 റോസ് ചെടികൾ, 2000 തായ്‌ലൻഡ് ഓർക്കിഡുകൾ, വിവിധ ഇനങ്ങളിലുള്ള ഗ്രാഫ്റ്റഡ് അഡീനിയം, ജമന്തി എന്നിവയുടെ പ്രദർശനം ഉണ്ടാകും.

ഈ വർഷത്തെ പ്രദർശനത്തിലെ മറ്റൊരു പ്രധാന ആകർഷണം തൂക്കുചെടികൾ, ഇൻഡോർ സസ്യങ്ങൾ, വെർട്ടിക്കൽ ഗാർഡൻ എന്നിവയാണ്. വിവിധയിനം ബോൺസായ് ചെടികളും പ്രദർശനത്തിലുണ്ടാകും. ഗാർഡനിങ് രംഗത്തെ പുതുമകൾ കേരളത്തിൽ ആദ്യമായി അവതരിപ്പിക്കുന്ന കൊച്ചിൻ ഫ്ലവർ ഷോയ്‌ക്കായി, സൊസൈറ്റി വിവിധ ഇനം സസ്യങ്ങളും ഇറക്കുമതി ചെയ്തിട്ടുണ്ട്.

പൂക്കളും പഴങ്ങളും കൃഷി, പൂന്തോട്ടപരിപാലനം തുടങ്ങിയവയുമായി ബന്ധപ്പെട്ട സംശയങ്ങളും സംശയങ്ങൾ പരിഹരിക്കാൻ, എറണാകുളം അഗ്രി ഹോർട്ടികൾച്ചർ സൊസൈറ്റി കൃഷി വകുപ്പിന്റെ സഹായത്തോടെ “അഗ്രി ക്ലിനിക്ക്” സംഘടിപ്പിക്കുന്നുണ്ട് . പൂക്കളും പഴങ്ങളും കൃഷി, പൂന്തോട്ടപരിപാലനം തുടങ്ങിയവയുമായി ബന്ധപ്പെട്ട സംശയങ്ങളും പരിഹരിക്കാൻ ക്ലിനിക്ക് സന്ദർശകരെ സഹായിക്കും.

1976-ൽ രജിസ്റ്റർ ചെയ്ത ഒരു സംഘടനയാണ് എറണാകുളം ജില്ലാ അഗ്രി-ഹോർട്ടികൾച്ചർ സൊസൈറ്റി. അഗ്രി-ഹോർട്ടികൾച്ചർ പ്രവർത്തനങ്ങളിൽ താൽപ്പര്യമുള്ളവർക്ക് സഹായങ്ങൾ നൽകിക്കൊണ്ട് സൊസൈറ്റി വളരെ കാര്യക്ഷമമായി പ്രവർത്തിക്കുന്നു.
കേരളത്തിലെ കൊച്ചി നഗരത്തിൽ എറണാകുളം ജില്ലാ അഗ്രി-ഹോർട്ടികൾച്ചർ സൊസൈറ്റിയുടെ ആഭിമുഖ്യത്തിൽ എല്ലാ വർഷവും പത്തും പതിനൊന്നും ദിവസങ്ങളിലായി നടക്കുന്ന പൂന്തോട്ട പ്രദർശനമാണ് കൊച്ചിൻ ഫ്ലവർ ഷോ. മുൻ വർഷങ്ങളിൽ ഒരു ലക്ഷത്തിലധികം പൊതുജനങ്ങളുടെ പങ്കാളിത്തം ഉണ്ടായിരുന്നു, കഴിഞ്ഞ രണ്ട് വർഷത്തെ ഇടവേളയ്ക്ക് ശേഷം ഈ വർഷം, കൂടുതൽ ജനപങ്കാളിത്തം പ്രതീക്ഷിക്കുന്ന ഷോയ്ക്കു വേണ്ടി വിപുലമായ ക്രമീകരണങ്ങളാണ് ഒരുക്കുന്നത് .